.png)
صعيدية مش للبيع | روايات درامية مؤثرة عن فتاة تواجه المجتمع وتحارب من أجل مستقبلها
صعيدية مش للبيع
2026,
رومانسية
مجانا
رواية اجتماعية درامية عن فتاة صعيدية تُدعى جني تواجه ضغط المجتمع للزواج المبكر، بينما تحلم بإكمال تعليمها وبناء مستقبلها بحرية. قصة مؤثرة عن الصراع بين التقاليد والطموح والبحث عن الذات.
جني
بنت صعيدية قوية، تحلم بتعليمها ومستقبلها وترفض فرض الزواج المبكر عليها.الأم
سيدة تقليدية ترى الزواج هو الطريق الوحيد لراحة واستقرار ابنتها.الأب
أب داعم، يؤمن بقوة ابنته ويشجعها على الاستقلال والدفاع عن نفسها.
كنت واقفه قدام المرايا وانا فخوره بنفسي جدا وفرحانه اني بقيت انا بشخصيتي الي اختارتها وماسمعتش كلام اي حد حاول يغيرني علشان بس اعجبه او أعجب الناس
انا اسمي جني بنت بسيطه من الصعيد عايشه مع اهلي بس الكل شايفني بطريقه مختلفه كل واحد بيبص عليا بعينه حكايتي بدات بدري اوي من وانا عندي ١٥ سنه انا كنت في مدرسه بس ماكنش ليا اصحاب كتير أقرب حد ليا هو بابا حبيبي كان دايما يتكلم معايا علمني حاجات كتير علمني ازاي اقدر أقف علي رجلي وادافع عن نفسي واقف واقول رأيي وطبعا ده مرفوض في الصعيد البنت في الصعيد اول ماتكبر تتجوز علي طول انا كنت مختلفه شويه
المهم في يوم كنت راجعه من المدرسه وحصل الي ماكنتش اتخيله ابدا
الام :انتي رجعتي ياجني
جني : نعم ياماما في حاجه عايزاها مني
الام : اه ياحبيبتي عايزاكي تغيري هدومك في ضيوف جاين النهارده اخيرا ياحبيبتي هفرح بيكي خلاص واشوفك في بيتك
جني :ضيوف مين ياماما وبيت مين انتي عارفه ان عندي امتحان بكره وكمان انا هكمل تعليم ومش هتجوز دلوقتي لما اخد الشهاده الاول ابقي افكر في الجواز
الام : ليه ياحبيبتي بتقولي كده الشهاده مش هتنفعك في حاجه لكن ده عريس حلو وغني وهيخليكي مرتاحه وانتي معاه
سمعت من ماما الكلام وأنا مش مصدقه الي بسمعه كأن في سكينه في قلبي اتخطب واتجوز وانا عندي ١٥ سنه معقوله انهي حياتي بأيدي فوقت علي صوت الام وهي بتقولي يلا اجهزي ساعتها افتكرت كلام بابا ليا وازاي اكون قويه واقف قدام اي حد يحاول يوقف مستقبلي بس دي امي ماكنتش عارفه ارد عليها اقول اي وبردو ماكنتش عايزه استسلم واضعف واسلم نفسي وفي نفس الوقت ونفس الدقيقة شوفت نفسي وانا لبسه فستان وطرحه وحوليا ناس كتير فرحانه وبيقولوا العروسه شكلها حلو وشوفت نفسي وانا بشتغل الشغل الي بحلم بيه طول عمري وانا في أيدي شهاده كبيره وفخوره بيها ووصلت لنفس الفستان بس الفرق ان هنا وصلت للفستان وانا مقتنعه وصلت للفستان بعد ماعشت حياتي واتعلمت وقدرت افتح بيت ساعتها بس فوقت من تفكيري وقولت ياماما اعيش مرتاحه مع واحد وانا مش عارفه عنه حاجه اعيش مرتاحه مع واحد عايز خدامه ياماما الجواز من وجهه نظري حاجه تاني خالص انا بحلم اكون شخصيه تانيه خالص ويوم ماافكر في الجواز اختار الشخص الي يشاركني حياتي
الام سمعت مني الكلام وضحكت وقالت
يلا يابت قومي اجهزي بلاش كلام سيما الناس علي وصول
ساعتها كنت لسه هتكلم لقيت بابا ورايا وهو بيقول ٠٠٠٠٠٠
تعليقات
إرسال تعليق